老闆C去年和另一部門的M在公事上合作, 所以M有時會到白雲的部門.

M 是一個非常有趣的人. 記得第一次見他, 他穿著超貼身恤衫, 身體向左右擺動地行進來, 一開聲就很溫柔很O爹, 當時所有同事一致栽定M是GAY 的.

第二次見他, 他遠遠見到我跟老闆說公事, 他把文件交給我同事, 然後靜靜離去.

第三次, 他進入OFFICE見到我, 就叫: 呀XXX!  (佢叫錯秘書個名, 白雲最討厭被人叫錯名, 當時也不自覺地扁咀惡惡地) 我說: 我係白雲呀!  然後佢同我講完公事, 向門口行咗幾步, 再轉身好SERIOUS 咁同我講: 對唔住呀白雲. 

之後幾次見面, MO既言行都令白雲覺得佢係一個超認真, 有禮貌, 寬容O既同性戀男子.  不過有一次佢O係屋企打電話黎叫白雲幫佢CHECK 野, (把聲依然係好O爹), 叫我之後打佢手提.  點知, 接電話O既係一個聲線正常(仲有D MAN) O既男人聲, 我一話自己係白雲, 佢即刻變O爹聲, 果個竟然係M!?

又有一次,佢話佢部門D人唔幫佢影印 (佢話目西係半個老闆, 竟然比小文員欺侮?)  話想用我地部機, 叫白雲幫佢SET PASSWORD, 佢話: 咁呀, 用1234啦. (態度超認真, 白雲只好同佢SET 啦). 點知下一次黎, 佢話借用緊另一同事O既P/W.

白雲話: 我幫你SET 咗囉, 你話1234吖MA.  

M: 吓. 係咩 ? 我亂講咋. (好記得佢當時個樣好古怪, 少少古惑, 好似壞細路整古到人之後好開心果種表情).

最近一次見佢, 佢同某同事j(同佢同grade)講開, 知道老闆請食飯(老闆叫秘書send email 通知全世界, 秘書明知老闆數漏m, 我問秘書係咪應該問吓老闆請唔請m, 但係秘書唔問, 有意無意咁"忘記"請m) 於是m同j一齊黎我個位, j問係咪我負責請人, 我話係秘書. 然後j同m去問秘書, 仲大大聲咁, m都幾惡咁問秘書點解會請漏佢. 當時又覺得平時溫柔善良o既m好惡, 亦都唔介意比人知佢惡.

到底m係一個咩人? 佢係咪扮gay? 若果係, 點解要扮?  佢係咪聰明到知道秘書有意無意玩野, 所以同佢惡呢? 呢個人好得意.