又一件離奇事. 

又一件離奇事. 老闆叫白雲做公司網頁, 幾經辛苦, 設計才被兩大老闆接納, 於是白雲便做好了90%的網頁, 怎知, 一日老闆E召見白雲, 說設計很美, 但不切合公司形象, 要重新設計.  想深一層, 老闆E的意見很對, 只是白雲白辛苦了一場, 有點不開心. 當日, 老闆E問我是否曾修讀設計/畫畫, 我說没有, 她便叫我去學. 

找了幾個課程, 包括: HKUSPACE, VTC, 大一, 正形等等, 但學費很貴呢, 而且, 又不知自己是否有天份.   以下係各人反應：

白雲爸：。。。吓，有乜用。 

白雲媽說: 好呀好呀.  學畫畫會有氣質呀.

朋友甲說: 吓...乜你咁黑仔, 職又唔見你升, 老闆又成日叫你學乜學物.

朋友乙說：乜你公司咁架，走啦。。。。。

朋友丙（碌大隻眼）：學吖學吖！

同事甲：嘩，你老闆睇得起你，以後要跟你搵食（下刪數十句）

後來，白雲同一向學開國畫Ｏ既ＭＩＲＩＡＭ一起去上了一課油畫堂。　大嗱嗱四百蚊，畫咗３個半鐘，又真係好有满足感。　我把情況話比老師聽，佢話我老闆可能睇到Ｄ野，又話我有天份，第一次畫都畫得幾好。　不過，老師一定會讚學生，唔係點收學費？　　至於白雲係咪真係有天份，重係一個謎。